電腦仍然是中了毒

我的電腦仍然是中了毒，試過幾種除毒軟件都唔得，唯有要重新安裝，但我真係公私兩忙冇時間係重新安裝前清理電腦內我所需要的文件。。。加上身體各處都出現小問題。。。我只有有限地寫作及回應啦。 
現在有一位網友急需大家幫助，雲淡風輕剛收養了一隻被人遺棄的貓，因之前義工替貓兒做了絕育手術，可能出了併發症需要打針吃藥，再嚴重的話可能要做手術清除含膿的組織，因私家獸醫價格甚高，請在香港的網友提供一些意見俾雲淡風輕。（我已將香港愛護動物協會嘅網誌同電話俾咗香港愛護動物協會）。萬分多謝同感激。。。

電腦中毒要解決。。。

電腦中毒要解決。。。抱歉我今日唔回應啦！！！  

好疲倦好眼瞓

各位親愛的網友們，我今日因為開咗差唔多十個小時車，同公主去另一個州嘅學校面試高中，所以唔回應喇，因為我冇汶汶堅毅的精神亦冇雲淡風輕強壯嘅體魄，所以我好而家好疲倦好眼瞓呀！！！。。。。

仍然有低燒

大陳講得正確，小病是個信號，是我的身體告訴我「喂，你唔好用到我咁盡喎，我就嚟頂唔順喇！」，所以由星期五到星期日朝，我幾乎係嫁咗俾張床，其實應該係D止咳藥令我昏昏欲睡，好彩仲識起身整晚餐俾公主，不過我就冇乜胃口喇，因為喉嚨仲好痛，成個人仲係好唔舒服，對眼好熱咁一直發低燒。到今朝，情況仲係咁，但因為公主要考試，一早要出門，冇辦法，頂硬上，一到目的地等公主考試個三個小時嘅時候就一直瞓，真係唔知我點可以順利開個45分鐘車而又冇意外。。。一額汗！！

後來，我都係打電話俾個家庭醫生，問佢我係唔係患咗豬流感（H1N1），醫生就話如果係我就應該去買六合彩（俾佢激死！）。佢話可能今次我太勞累，所以D抗生素有效得比較慢，要我食退燒同止痛藥，唔掂再搵佢。Okay，你係醫生，我唯有聽話。

剛食完外賣晚餐準備食止咳、退燒同消炎藥，知道要昏迷，所以馬上寫網誌告訴大家我的最新情況，以免你地擔心。

汶汶，請放心，我會保重自己，唔單止因為我仲要去上海送皇太后最後一程，我仲有兩個公主同王子要照顧嘛，所以請放心。你都要小心身體，好好養精蓄銳做個靚靚奶奶呀！

雲淡風輕， 多謝你的祝福和保佑，你D小朋友點呀？祝你與家人有一個愉快的一週。

Mei Yu，一直唔記得問你份新工作如何？？D同事對你好嗎？你開心嗎？

好勤奮的小蜜蜂，我已經由香港返咗紐約差不多一星期喇，我會快D好番，因為實在好耐冇去探訪你地D網誌喇。

如果呢段時間我有錯過回應任何一位網友，請包涵包涵！！
送上一首靚歌，希望大家與家人係未來的星期裡開開心心。

病了

對不起，由昨天開始病了，這次發病發得很快，以為瞓多點就冇事，今日仲去返工，點知都係要提早少少走人去睇醫生。剛食咗個麵同藥，我去瞓喇，唔駛擔心。

抱歉，冇一一答覆你地嘅留言，遲D喇，精神D就覆。晚安！！

最新情況 11/17

皇太后今日火葬，奈何我已回紐約，
只能遙遠的祝福她和希望她喜歡我和國舅挑選的陪燒衣物。

會再回去香港一次；十二月中左右，陪皇太后去上海下葬。

這次回香港與上一次都是為了見皇上皇和皇太后的最後一面。其間照顧他們是必然的，當中的無奈，感覺和感慨更是刻骨銘心；無奈他倆都沒有頤養天年的福份、感覺他倆都不想離開我們這兩個蠢鈍兒和感慨我和國舅都沒有好好服侍他們令他們的晚年還在營營役役地為我倆蠢鈍兒籌謀，非常心痛，所以我倆蠢鈍兒極之極之極之希望他倆可以放下一切牽絆，輕輕鬆鬆上路，做個開心快活人。

最後，我倩儀衷心感謝你們這班網友一路的支持和鼓勵，希望大家「明天會更好，身體健康，開開心心」。

最新情況 11/15

皇太后已離開我們差不多四日了，而我亦確定了星期一離開返回紐約，
所以這幾天都非常忙碌地為皇太后準備後事，希望可以減輕國舅的工作量，
尤其要清理皇太后的家，真是一個典型的老人家，許多雜物，
要從中挑選下葬和陪葬物絕不是易事。

人的一生原來可以有如此多死後不能帶走的身外物。

最新情況 11/12

我家皇太后已於11/11早上離世。
我家皇太后身體所有重要的器官都仍然非常健康，只是她的肺已大部分被癌細胞覆蓋，
喪失其功能，所以皇太后其實是非常不甘心，但又如何？？
原來我們子女可以做的原來非常有限。

人生真是充滿無奈，而在我的生命中就此多了一個遺憾。

最新情況 11/8

過去這幾天，我的心情真可以說是在坐過山車；
心情好：先是皇太后的情況逐步穩定，不再用抗生素
心情壞：這星期要做月結，因為時差，所以做了三個通宵
心情好：與兩位小中學同學見面午餐，我興奮如小孩，嘴巴沒停
心情壞：皇太后要用番貓鬚；即氧氣面罩所供應的氧氣已不足夠
心情壞：皇太后要用嗎啡止痛，不是好現象
心情壞：皇太后已超過12小時沒自行尿尿，可能要插尿喉
心情壞：皇太后吩咐我們她要的壽衣款式等等

最後，心情壞，得知網友花木蘭的父親已離去，心情更沉重。

知道網友你們好關懷同好錫我，但我所以沒有一一回應你們的留言，不是不想回，只是不知說什麼好。
天氣是冷了，我依然只是T Shirt不覺冷，因為每天讀你們的留言和電話聯絡已很暖和。

最新情況

多謝關心和問候，皇太后其實已經係肺癌第四期，醫生係2007話佢只得6至9個月命，係美國醫到依家2年多已經係奇蹟，所以我和弟弟都不予厚望，只希望佢舒舒服服咁走就已經好好喇。

我會係星期六先到香港，但因為要交代公事，所以比較忙，唔可以逐一回應網友你哋嘅祝福喇，唔好意思。

暫別

各位親愛的網友:

因為我的皇太后肺癌有變數，要馬上飛返香港照顧皇太后希望佢會快D好番，
所以可能有一段時間唔可以上網與你們聯絡喇 (星期六到港。):

大陳，你一定一定要努力保持你的信念，我會默默祝福你。

汶汶，我知你的一生都有好多唔開心嘅事發生係你身上，但係你仲算健康，兒孫滿堂，已經比好多人幸運，所以請放下你的過去，開開心心面對未來。

心曲，知你身體逐漸好轉，真係好高興，加上有一個咁情深的Gary照顧你，好放心。
雲淡風輕，希望你可以好好珍惜每個與你至寶相敘的每一刻，記得一定要多影相、多錫同擁抱佢地。可以預知你好快就可以走出陰霾，迎接晴朗美麗的艷陽天。

好勤奮的小蜜蜂，你對朋友的勤奮努力係唔會白費架，繼續努力加油呀！

MeiYu 同 善意 係我較擔心的兩位網友，你地嘅情況真令我無奈，唔知可以點幫，只希望你地一定要睇醫生，冇好嘅身體又點可以繼續自由自在地走完人生路呢？所以千萬唔好拖呀。

最後，如果我漏咗任何網友冇提，請接受我的「對不起」，最近發生的家事實在令我個腦反應慢咗D，所以再次講聲「唔好意思！」。

倩儀敬上

人生的七味心藥：
心善，善樂好施；
心寬，寬大為懷；
心正，正大光明；
心靜，靜心如水；
心怡，怡然自得；
心安，安常處順；
心誠，誠心誠意。

靈魂之窗受難日

隻眼痛了兩、三日仲腫埋，於是去看眼科醫生，付了三十大洋專科co pay後，那位'一句起，兩句止'的女醫生，喺我隻眼度舞完D儀器後，通知我「你隻眼生暗瘡」。。。 乜話！！！一個冇乜生暗瘡嘅人，就算生都會生生下粒暗瘡會自己謝，點可能生喺眼度，仲要生得好開心、好豐盛。。。 於是問清楚個醫生喺唔喺因為污穢物入眼所以發炎呀，駛唔駛回家將條洗面毛巾消毒呀， 得到嘅喺一個冷冷的答案「你隻眼生暗瘡」，我當堂出煙，想馬上走，不過都有忍住羅埋張藥方先走。張藥方先過癮，有眼藥膏同口服消炎藥，口服消炎藥？？ 於是問醫生，答案喺「你隻眼發炎，眼部D血會帶埋D細菌走勻全身，所以要食消炎藥」乜我隻眼發炎咩，唔喺生暗瘡？咁隻眼淨喺搽消腫藥膏，就唔駛滴消炎眼藥水？一籮籮嘅問題想問，但喺我知道如果問嘅話，我會唔單止隻眼發炎，仲會生埋腦膜炎，於是唉一聲就準備走時，醫生居然好溫柔咁同我講「你兩個星期後嚟覆診」「覆診？」「係呀，睇吓你眼球後面有冇問題」「吓，隻眼發炎會影響咁大？」「唔喺，同你做吓檢查嗟。」唉，多謝哂喇，仲要我覆診，除非我盲咗喇！

淚

人的一生如沒有上上落落，那會是多無聊，現階段是我的感情低潮，但若干年後，我可以肯定這感情低潮將會是另一個高潮的序幕

淚，無聲無息的在臉上滑過；我，靜靜的哭著，彷彿末日快要來臨。

眼前是黑暗與絕望。我伸出手，想把那可愛的童年抓住，
但它一次又一次的從我的年上流走。

雨，滴滴答答的落在我的身上。儘管全身都濕透，但我仍是想去追尋我失去的一切與夢想。坐在那冷情的街道，我忽然覺得自己很弧獨；前路與夢想都被人狠狠的撕破，
只剩下段段的碎片……

淚，仍是不斷在湧，在流。這些委屈的淚，我早已討厭、受夠。我告誡自己要堅強，不能像玻璃般脆弱；但，為甚麼在此刻，我仍是那麼傷心，去流這些不值得流的淚？

在別人眼中，或許，我是多麼的強；可是，又或許，他們沒有留意我就像蒲公英般脆弱，
一折便碎……我曾經懇求我的王子不要離去，但他……現在，懂得我的想法、思想的，
只剩下—我自己一個。弧身作戰，那種被遺忘的感覺，不好受……

雨已經停了，那晨曦照著大地。但我的淚，我的痛仍然存在。
一串串冰冷的液體仍在我的臉不斷的滑過……

2008是我流淚較多的一年；想不到在2009年之始，因為送國舅的飛機，
又以流淚開始我新的一年；

流淚，因為不捨
流淚，因為感慨
流淚，因為孤獨
流淚，因為離愁
流淚，因為快樂

這個冬天很冷

這個冬天因為全球變暖（Global Warming）的影響下，久違的白色聖誕重臨紐約，萬分雀躍地安排的兩個滑雪旅程都沒有因為佳節的來臨而有愉快的結局，當時心的溫度真是要比飄落的雪還冷。

心已冷，身呢？這個冬季到現時為止，已下了四至五場雪，因為身體原因（之前已提過-手腳暖得比一般人慢但是冷得快)加上家中只剩我與公主，因此只有我去剷雪，每一次於剷雪期間，很快所有的手指和腳趾都已被冷得無知覺，之所以知道是因為我的手指和腳趾已不能彎曲，可以停下來嗎？可以找人幫助嗎？當否定了所有的可能性後，只有繼續冒凍傷的可能獨自完成剷雪這工作，而每一次暖和已凍僵的手指和腳趾時所要承受的疼痛，亦一次比一次大。

想不到的是，今天當我因需要購物而在街上流連了大約半小時後，腳趾已沒有知覺不能彎曲，要馬上進入有暖氣的餐廳內，按摩它們約五分鐘才能活動起來。

沒有一雙耳朵聆聽，
沒有一個肩膀可靠，
沒有一對手去牽，

這個冬季，我的心、身都感到寒冷非常，只有熱切期待下一個冬季，太陽不要再離我這麼遠！

玫瑰

有人說，愛就像河流，淹沒柔弱的蘆葦。

有人說，愛就像刮鬍刀，讓你的靈魂流血。

有人說，愛情像飢餓，沒完沒了的和痛的需要。

而我說，愛情像一朵花，你這唯一的種子。

因為害怕心碎，所以從來沒有生命的舞伴。

因為害怕夢醒，所以從來沒有接受機會。

因為你的不付出，所以不會得到。

因為你害怕死亡，所以不懂活出彩虹。

夜，是無比的寂寞。

路，是無盡的長。

你以為愛是只有幸運、堅強的人才會擁有。

請記住，在隆冬的深雪之下，有一顆擁有像太陽似的愛情種子，

於春天的來臨，會發放成美麗嬌艷的玫瑰。

2009 冬至

冬至在中國古代是一個非常重要的節日，人們認為過了冬至，白晝一天比一天長，陽氣升，是一個吉日，人們穿上新衣，準備美味佳餚，一家大小一同慶祝節日。這一天，出遠門的人都要回家拜祭祖先，因此，有“冬大過年”的說法。

由于冬至都在陽曆12月22日（或在12月23日），農曆的日期不一，上一個恰好在月圓之日的冬至是1961年，這一年的冬至也在農曆十一月十五。直到今天，冬至仍具有合家團圓以及懷念祖先的意義，這一天，一家大小一起搓湯圓，湯圓滾好了先祭祖先，然后一家人一同分享，象徵圓滿豐收，融洽温馨的意思。

而我，今天將會是我自己的家第一次不圓滿、不融洽、不温馨。

下雨天

為何當天的人心情特別差極的？ 會不會是下雨天嗎？

為何人總不能嘗一嘗下雨天的美？

沒有雨水，人就不能生存。


一點點的雨水，其實都可化作世間上的美與樂。

一點點的雨水，能供給我們的需要；

一點點的淚水，會帶給我們的痛苦；

因愛，才會有淚！


妒忌是原出於羨慕旁人！

 是妒忌？是羨慕？又或者原來... 這個世界真的是不公平吧？...

單單看外表來平定，人家快樂與否… 這叫公平嗎？

試問想想人家不快樂時、痛哭時，你這個世界會否不同？…
你曾看見嗎？

為什麼人家比你幸運一點點的時候，你會感到酸溜的？

是不是因為他快樂，所以你不快樂？


每一個人都有其不同的經歷；
經歷了、嘗試了，才會成長；
嘗試了、失去了，才會珍惜；


『包容』是不是真的這麼困難嗎？
付出多一點點又何妨？
付出了，得不到回報又何妨？
… 如果… 凡時… 用『心』來出發… 而不是… 假意…
這個世界會否不同？…

生離死別

今日，由早上九點到下午五點，去咗兩個地方，一個面試，一個考試，終於暫時完成兩個唔同團體嘅獎學金初步申請，而家就睇公主嘅運氣，可唔可以入到第二、第三、第四輪啦！。。。 由幾千個申請人入面脫穎而出喇！(通常成功率只喺五個巴仙以下)。

公主跟住有節目，去同學生日派對，而我就馬上返屋企煮飯。

而家終於可以坐低讀吓blog友D文章，俾我睇到一篇好沉重嘅 - 主人翁要面對同丈夫嘅死別；睇完之後，我好似開竅咁，明白到一樣野，死別嘅痛肯定比我現在所受生離之痛更多更錐心，我慶幸我丈夫同我冇死別，佢想離婚嗟，佢仲健健康康呀，佢咁做開心嘅，就成全佢囉，無需要怨喇，最緊要喺佢健康開心就算啦！我諗我終於放低啦，原來愛係要讓你所愛嘅人開心，即使剩餘少少愛嘅感覺你都應該咁做，因為始終曾經相愛過。

進入接受嘅階段？

呢幾日冇寫blog，因為真喺唔知寫乜；寫嚟寫去都喺三幅皮，所以索性閉關自修，消化吓丈夫講嘅最後說話希望可以盡快接受同執行，同埋睇吓blog友寫嘅文章，從中學習同舒緩吓自己嘅情緒，真喺獲益良多，冇咁怨，冇咁恨。

呢幾日，我仲要諗吓點安排我細佬同女朋友嚟美國度聖誕同我地自己一家人一年起碼一次嘅滑雪路線，一路踱，一路諗應唔應叫埋丈夫去呢，雖然我仲未知道應該點面對可以講出咁絕咁自私說話嘅人，但喺佢始終好錫小朋友，所以就寄咗封電郵邀請佢一齊去，心諗最多到時冷淡D，唔理，唔望，唔同佢講野咁咪OK囉，雖然後來佢冇話實會嚟，但喺我居然冇失望，可能因為已經對佢冇期望；開始進入"接受"嘅階段？

尋日香港細佬話我知，丈夫要佢買野，都唔知個樣喺點，所以買唔到，橫點睡唔到覺，於是就上網搵，搵咗個幾鐘，最終俾我搵到，初初諗住幫佢定購埋，不過喺台灣網站，所以唔送貨到海外，冇計喇，唯有發送物件個樣俾細佬，咁佢咪易搵D囉，仲叫我朋友如果我細佬買唔到就幫我上網定購。一路搵嘅時候，自己喺度諗，你仲關心佢咩？答案喺"唔知呢！"，淨係諗住幫到佢就算啦，我諗我喺進步咗，冇咁計較，冇咁自我，定係我開始放低佢，冇愛，冇感覺，所以唔會小氣同自私呢？答案又喺"唔知呢！"。

其實兩個人相愛相處，好似朱茵喺志雲飯局入面講，兩個人相處"忠誠"同"信任"好重要，會"佔有"對方，唔會做D傷害或令對方唔信任嘅野，咁我地現時嘅情況又喺唔喺因為"忠誠"同"信任"或"佔有"出咗問題呢？。。。 唉！始終不能釋懷，想尋根究底問題喺邊，喺因為我唔甘心定喺我仲係度想解決問題同佢喺番埋一齊？。。。 唔諗喇。。 要睡覺喇。。。因為聽日一早要同公主去面試同考試呀！。。。 唉！提醒自己要謹記佢最後嘅判決，唔可以再胡思亂想，如果唔喺我就唔可以步入"接受"嘅階段喇。

超苦!

今日聽到你講最後句說話後，我行屍走肉了一段時間，感覺好黑暗，我努力珍惜眼前人，但喺你就諗咗幾日就決定了結十七年的情，你俾我嘅感覺唔喺咁嘅人，你可以為雯雯有一首喝歌"為了愛，夢一生"，我為愛努力咗兩個月零六日，好似你話齋，好煩，好長氣，但喺你就拋到拋唔切我呢一個好煩，好長氣嘅人。我咁煩咁長氣喺希望你確實知道你要乜野；你話你想返家，你話俾姨婆聽我喺你一生嘅至愛，但喺你變得好快好混亂，兩個月內的轉變都喺負面嘅，究竟你喺為咗D乜野可以放棄咁多 - 自尊？自信心？唔想面對事實？

你想離婚，冇問題，你去申請喇，我會簽名。資產方面一人一半，至於你提議嘅搵錢方案，我喺一分錢都唔會要，因為D錢喺我冇咗老公嘅代價，如果我要我會好睇唔起自己。

最後，請你再唔好要求孩子照顧我，好似個仔話"照顧媽媽嘅人應該喺佢自己，喺佢唔負責任，點解要我負呀"。