偏心某個小孩

我自己有兩個小朋友，王子已經十六歲，公主都就嚟十二歲，如果你喺小朋友面前問我，我有沒有特別鐘愛某一個，我一定張着小眼睛同你發表我對佢地"愛的宣言"，但喺如果你私下問我，我會告訴你，我有，我有偏心，而且曾經做得好出面，表面上我嘅藉口喺，我唔喺偏心，我對佢嚴厲喺對佢好，想佢成材。小朋友點會唔知呀，佢會奇怪同一件事發生喺佢身上，我會好嚴厲咁鬧同處罰，但喺對另一個就會寬容得多，久而久之，佢會因為妒忌自己嘅兄弟姐妹所得到嘅唔同待遇，而做D損壞對方聲譽，"蝦"對方，甚至傷害對方身體嘅行為，到呢一個時候，做媽媽嘅點都會發覺到有問題存在，所以就更努力咁責罵做錯嘅一方。一段時間之後，你會發覺，佢開始封閉自己，唔聽你講亦唔同你講心事，大件事喇，我知道現在連母子之間都出現問題喇，要正視同盡快修補喇，如果唔喺，唔單之母子感情會蕩然無存，影響到佢嘅性格同佢對人嘅偏激，咁我就喺罪魁禍首，於是我開始放下做母親嘅尊嚴同王子溝通，起初好難，好辛苦，因為習慣咗好有尊嚴咁對住佢，我同佢之間突然要坦誠咁溝通，我同佢到好唔適應，所以我開始發動我嘅母愛小宇宙，啟動我潛在嘅忍耐力，坦誠咁話佢知，媽媽都只喺一個正常人，會做錯事，我做錯嘅時候，你要提醒我，同時如果你做錯，我亦會提醒你等等，慢慢咁一步一步一年一年咁築起一條通往王子嘅橋，而家我同王子嘅關係就好似朋友知己，佢唔會主動講心事我知，但喺就有問必答，答案好簡短，但喺我已經好心滿意足。

王子而家喺青少年期，一定會做一D你唔認同嘅事，講說話亦會好唔婉轉，無心地傷害其他人，所以我要好間接地、婉轉地同佢講"道理"，同時亦要久唔久就俾佢知道媽媽好愛錫佢、以佢為榮等肉麻嘅說話，最後最緊要俾佢知道，佢可以毫無束縛同壓力咁去追求佢嘅目標同理想，因家門永遠會為佢打開，永遠會喺佢療傷嘅地方，因為做母親嘅只喺希望子女健康快樂，別無它求。

後記：王子而家同公主嘅關係好咗好多喇，真喺老懷安慰囉！如果你現在問我，你有冇偏愛邊個小朋友呀？答案喺：我仲喺有偏心嘅情況但喺我知道要適當咁處理呢一種不平等嘅感情，如果唔喺，你同子女都會受到永不能磨滅嘅傷害。