箍牙-第二日

今日因為係假期，所以我同公主睡到日上八干，係日上八干，因為我就差唔多下午兩點幾先起身，而公主就要我搖佢先至喺下午三點幾至起身。

而公主一起身就叫痛，死賴喺張床度開始喊，於是我馬上將尋晚買嘅止痛藥呀，痲痺膏等，全數放喺佢個口入面，然後又tum又拉咁，先至拉到佢起身，刷牙，換衫出去食D野。

打俾個個該關心或問候我嘅人，諗住叫佢一齊去食D野，兼幫手tum吓公主，掂知原來佢都唔知今日放假，去咗幫阿姨做野，okay,冇溝通就喺咁嘅喇，又要自己搞掂！
去到168，諗住公主先去叫野食，而我趕緊去買料煮粥，等到我買完野，返去168，個公主喺度飲泣緊，因為佢連咬食面包上顎都好痛，於是又到我講故事時間 - D非洲嘅小朋友掂樣痛，掂樣餓，戰爭中D小朋友掂樣因戰火而受傷而痛 - 冇手冇腳冇家人，都勇敢地生存，您只喺為美化您D牙而受苦，根本唔算喺苦，所以您要話俾自己聽，少少痛，難唔到我，因為我比好多同齡嘅人幸運，幸福。。。。一路喺咁講。。。。公主好乖，抹乾眼淚，慢慢地食哂D西多，不過件煙肉三文治D煙肉真喺太硬，於是落咗我個胃度。

返到家，馬不停蹄地煲魚粥，仲要煲埋公主聽日嘅午同晚餐，真喺心身都疲乏，於是就開咗YouTube聽 Momma Mia D 正歌，一路聽一路同公主搖頭晃腦咁，搖哂D痛，搖哂D煩惱。已經放咗一首喺我個網頁度，希望你會鐘意！