拉到盡頭

人生真喺好有趣，高高低低，上上落落，總沒有平淡的時候。原以為個個該關心或問候我的人應承一日一電後，起伏的心情會稍為好轉，但點解我仲係唔開心？因為覺得佢冇用心去講這一日一通嘅電話？定係呢件事只係冰山一角？

打一份工，由有理想到只為糊口，當中經歷的辛酸同無奈，會磨蝕你的自信和自尊，但係唔重要，仲有你嘅屋企同屋企人嘅支持，但係點到估唔到屋企人都會磨蝕你的自信和自尊。

個個該關心或問候我的人認為我霸道，獨斷獨行，佢在我心目中地位低微，但係佢唔明白到一樣耶-如果佢唔係度默默咁支持我，我掂可能霸道同獨斷獨行咁多年呀。。只不過原來佢嘅默默嘅支持係默默嘅抗議，到我知道嘅時候因為自尊心作祟，以為慢慢緊進就得嘅喇，掂知就發生網上愛人之事，一把刀咁插落嚟，嘜耶心都爛哂，佢嘅地位緊係跌到最低喇，加上冇解釋，冇道歉，緊住就惡性循環落去，互相傷害對方喇！到今事今日，如果你問我當時有無錯，有，當時我有錯，錯在高估咗佢對我嘅愛，以為佢會按照婚約，包容同接納我，錯在自尊心作祟下，冇同佢講心底話。今日我冇錯，因為佢變心在先，唔解釋，唔道歉，我對佢冇安全感，冇辦法提高佢係我心目中嘅地位。

多年的付出，執著已經使我筋疲力盡，心力交瘁，加上負面的反應，一切嘅努力，一心以為係為家人好，但係原來只係我一相情願嘅諗法，我呢個小女人頂唔順啦！！！我嘅自信,自尊同個人定位都跌到最低點 我呢條橡根已被拉到盡頭，我已經隨時準備放棄！！！