剝牙記

其實我已經好疲倦想訓覺，但喺呢一片唔寫唔得。

我個公主D牙唔齊，要箍牙，但喺佢仲有一隻乳牙躲藏喺隻大人牙后面，要剝，但喺我唔想去牙醫度 (喺美國，剝牙同箍牙嘅係兩個唔同科嘅醫生)，加上佢好多時都喺自己搖吓搖吓就搖咗隻牙出嚟，於是叫佢照樣咁做，點知
搖咗個幾個月，隻牙仲係喺度，而聽日就要去箍牙，於是我前晚又迫又鬧又勸要幫佢整甩佢 (因為我唔想佢去箍牙時，個傷口未埋好)，佢喊住死都唔俾我掂，話自己搞掂，於是我走開，等佢自己嚟，大約十分鐘後，佢嬲包包咁行落嚟，放隻牙喺我面前，緊住馬上轉身走。我個心喺度笑，但係我就扮野，叫停佢，緊住走過去攬住佢讚佢叻女，哇！！！佢個嘴即刻倒掛金勾咁笑出嚟，應真搞笑！所以我真喺唔訓覺都要寫底呢一件事，驚唔記得咗。