皇上皇

昨天同今天，因為公司都好忙，所以冇寫到blog，okay，而家補番！
公主，箍牙第五日，情況非常好，今日已經食學校D垃圾，唔駛我再煲粥(其實公主想我煲都冇材料煲，好彩佢話唔駛！)，終於箍牙嘅痛，暫告一段落，下次箍下顎時，希望公主已有心理準備，唔駛再喊再嘈，而我亦已有經驗去應付！！
皇太后已由上海返回香港，於是打個電話俾佢，睇吓皇太后計劃幾時返嚟紐約睇醫生，掂知俾皇太后話我逼佢，佢唔知幾時返，真喺奇聞。問皇太后幾時返嚟紐約因為我要同皇太后約醫生睇皇太后嘅肺癌，又喺我錯，身邊嘅人都話我逼佢地，一個唔理生死，一個唔知自己要乜就好似駝鳥咁，好失望，原來我所付出咁多嘅精神，時間同感情，回報我嘅喺一把，一把又一把，打到我已經失去自我同自信，因此我要不斷提醒自己，而家最緊要喺努力去築起保護我自己個幅牆，千萬唔好停！！

呢一個世界上只有一個人會不斷付出，佢嘅精神，時間同愛全部冇條件咁俾我同國舅，我好掛住你呀，好想見你，只有喺你個度我先至感到被愛嘅快樂，真喺好想去見你！！
國舅，我知你都好錫我，好愛我，但喺好懷念同皇上皇一齊嘅感覺，好溫暖，好舒服。。。 佢就好似一顆樹咁幫我地遮風擋雨，就算我地受傷，皇上皇會心痛地幫我地療傷，我而家重傷呀，除咗國舅喺十萬八千里外幫我之外，皇上皇你喺邊呀？越諗越寫越掛住，唔寫喇！