無奈

由個個該關心或問候我的人搬走開始，我一直到喺以積極嘅態度去處理我地之間嘅問題，一而再，再而三咁同佢講，同佢解釋，一個多月嚟，終於到最近佢肯一日一電，好似打報告咁，當我要求有深度一D嘅交流時，佢就話我迫佢，一直只喺話唔知掂同我溝通，唔敢同我講耶。。等等。。等等！

我嘅心已經喺呢幾年碎哂，而家連剩底少少嘅積極到俾佢幅牆撞散，而家唯有拾起佢幅牆跌落嚟嘅碎片，去築起保護我自己個幅牆。

估唔到我條橡根冇被拉斷(因為我仲要睇住王子同公主)，反而學懂要自愛，要自私，雖然呢兩樣野都喺我睇咁多嘅"美滿婚姻要訣"學返嚟知道唔應該有嘅野，不過

對住一個只會喺網上尋找自我定位同安慰嘅人， 我失敗。。。

對住一個相處咗十多年都唔敢同我溝通嘅人，我怕。。。

對住一個應該了解明白我嘅人都一直只會用掛電話，唔知道同唔想講為由嚟拒絕我入佢個心，我心淡。。。

喺"美滿婚姻要訣"度學返嚟嘅種種，唯有用於另一位有緣人，如果仲有的話。

至於能否與某有緣人漫步人生路，就只有睇緣份喇！！

ps. 以下喺我係facebook寫的文章.

 漫步人生路

好羨慕那些在路上還握著手一面笑容有傾有講的公公婆婆， 真係好羨慕！！ 但係諗深一層知道佢地今日能夠如此開懷地生活在一起，一定經歷唔少艱苦， 甜酸苦辣， 高高低低 ，但係佢地都冇分開， 因為佢地確實認知對方為另一半， 所以才可以排除萬難一起譜寫佢地精彩嘅人生路。 見到或諗到佢地我就會話俾自己聽，我係唔會放棄架！！！！

愛

好像二人三足，一定要有一個做指揮而另一個跟隨， 真實邊個做指揮唔緊要，最緊要有一個願意指，一個願意跟而過程最緊要有溝通，如果唔係的話就會兩個都跌倒受傷。