感恩節前後

自出娘胎，已經明白維持婚姻美滿喺好難，加上身邊的朋友或同事的多個感情滑鐵盧事件，令我對婚姻完全冇幻想，雖然骨子裡好渴望執子之手與子偕老。因為王子同公主加上多年的關係，我開始有夢想可能。。可能我會有好結果，可以執子之手與子偕老，雖然呢一個夢想好快幻滅，但心態已改變，積極好多。。同我嘅性格有關，我比較急躁，執著同堅持，但喺我錯喇。。 一個不斷同你講"冇諗過"，"我唔知"嘅男人，雖然佢仲不斷幫你煮飯但唔同你一齊食，拖地抹地但唔喺度住，不論佢喺係度逃避，自尊心作祟，大男人主義，定喺責任心或習慣使然,，個心已經唔喺你度，唔再愛你，仲有幻想嘅話，就等如自掘墳墓。

喺二十五日，我做咗腸鏡，一生人第一次，因為我知，我D腸好敏感，一定會抽筋，果然不出所料，麻醉藥一過，就抽筋，護士以為我玩野，但醫生話我D腸喺真喺好敏感，馬上俾藥我食，終於可以起身離開診所去另一個醫生度做檢查，仲喺好痛加上到下午兩點都冇食過野，胃同腸一齊痛。。。 真喺好辛苦。呢個時候，公主話唔記得帶鑰匙，冇門口入，要我盡快回家，一急，D胃同腸又痛多一成。

到夜晚，當丈夫同我講，"我唔知"同"離婚喇！"(當我聽到"我唔知"，而我開始埋怨佢嘅不知所謂之後)我嘅腸痛冇咗，因為有另一種痛比腸痛更甚。。。今日腸痛依然，但另一種痛已經麻痺，一定要麻痺，忘記，因為聽日要同王子公主black Friday購物，唔可以令佢地唔開心。