復原

幾日冇寫blog係因為圍繞心頭的事總在重複著，所以不寫也吧！

不如講下我條腰D水泡呀！早兩三日因為痕癢所以喺塊鏡度個幾個水泡如何，唉！早知唔睇仲好，因為D水泡唔單止又肥又大，仲充滿血水，喺鮮血唔係瘀血，當時我真係傻哂，應該掂做好呢？？總於自己囉支針慢慢摸慢慢篤，但係因為睇唔到所以成日篤到D好肉度，掂算好呢？？個個該關心或問候我的人又唔到，唯有叫公主幫手。公主見到係血水都害怕，又驚篤親我，於是我叫佢放膽去篤，我唔會怪佢，於是佢用個手指甲鉗同我逐個剪破D水泡，抹乾D血水，跟住自己搽藥，到今日終於所有水泡都冇哂，希望快D好翻咁先至可以去游水鍛鍊翻條腰D肌肉，唔會再打個噴嚏都將塊軟骨打咗出嚟！

唉，聽日就去做身體年檢兼想約埋做腸鏡 (好細個已經有慢性腸炎，所以好驚做腸鏡，驚有癌)。唉！我周身病痛加埋抽煙，應該都唔會長命嘅喇。。。 淨係希望唔會要拖要捱先至痛死(我D血管超幼，連抽血都要喺手背抽，真係好痛嘅！同樣因為血管超幼，所以D血唔會好似正常人咁順利暢通運行全身，器官好易壞，連D手腳，只要有風吹幾吓都會凍，真係冇鬼用！)，最好一睡不醒，咁就最幸福。