感恩節後

由星期二做完腸鏡後，其實到而家D腸仲喺陰陰痛，食咗藥到都唔好得嘅多，可能喺因為唔夠睡眠時間呱。。。

今日喺感恩節之後個日Black Friday，喺美國嘅傳統嚟講，喺所有零售業務一年之中最出血大減價嘅一日；平時賣開US＄100，到大減價時賣US＄70,到Black Friday就再減到US＄50甚至再低都得，但喺有時間限制；由凌晨五點到上午十點，遲過上午十點就只會係大減價嘅價，而王子要嘅野已經喺網上買咗，但喺公主個 IPod Nano 就唔得，所以錯有錯著，因為睡唔到，起咗身寫Blog，於是可以三點幾就開始叫公主起身，不過叫咗一個鐘先至起嘟，到五點先至出都門口，去到目的地已經好多人同車，於是公主先去排隊，我就泊車，搵咗差唔多半個鐘先搵到個唔駛入咪表嘅位(費時行行下要衝出去入表)，去搵公主時，佢仲排緊隊，於是加入蛇餅，但喺因為條腰唔企得耐，所以行嚟行去，搞都D人以我人有三急，點會急呀，由起身到排隊整喺飲咗杯奶，邊有多餘嘅水份阿。
排咗一個鐘，終於入到，由入到去到check out時，只喺用咗十分鐘，但喺到俾錢時又等咗差唔多大半個鐘，離開店舖時，公主話"第一次睇到太陽點出嚟，入店舖時仲喺灰灰暗暗，而家一天都光哂"，我心諗，你唔知你細嘅時候，我同皇帝點樣排隊同佢地掃玩具，佢地收到玩具時幾開心，但喺就唔知佢地嘅父母又渴睡，荷包又乾硬化呢！

跟住仲未完，公主要買衫，七點離開電器舖，拿拿凜衝去第二個商場，等到我泊好車，已經差唔多八點，入到公主指定嘅商店時，只見佢話搵唔到心想要嘅，又跑去第二間，哇！間舖就犀利囉，人剛到門口，我已經出汗因為人太多，左閃右避嘅情況下，公主終於搵到佢嘅心緒衫同牛仔褲，然後又排差唔多一個鐘頭隊俾錢，到離開時已經十點，個陣時我喺又餓，又骯髒，又眼皮下滑，胃同腸都痛，慘過擔泥。

仲未完呀！！下一場喺返屋企接王子去剪頭髮，喺佢剪頭髮個陣先至可以坐低，飲杯茶，食個包。補充能量後送王子到佢D朋友度，先至返屋企再等下一場；照待公主嚟過夜嘅朋友，到而家，我喺癱咗喺度，郁都唔郁個隻死狗。