箍牙-第一日
今日喺公主嘅大日子-箍牙；咁啱亦喺我好唔得閒嘅一日。一早起床就馬上先做公司D月結日報做到大約定十點半，即刻以九秒九嘅速度去拆牙，洗面同換衫，跟住以飛毛腿嘅速度衝去巴士站，但因為條腰痛，所以衝得怪怪哋，唔理得美女影像，只望可以準時趕到去照X-Ray 同 ultrasound 個實驗室度，因為仲有一場十二點半嘅醫生個場要趕。
終於，意料之外地，居然早十五分鐘到達，但喺就左等右等咁，去到醫生度遲咗十分鐘。喺醫生度又等，等到睡覺，到離開時已經兩點幾，okay，去配藥時諗到既然由朝到而家都冇食過耶，就去做埋胃部細菌測試。
到三點四十分完成所有要做嘅事項，就立刻去買菜，緊住又飛毛腿嘅速度衝去巴士站，因為公主嘅箍牙係四點，肯定遲到，咁啱個個該關心或問候我的人因為肚屙，所以唔去得，幾驚趕唔到，點知個公主好好，佢話佢自己先去，我先至冇咁擔心。
去到嘅時候，牙醫已經同公主上緊牙箍，所以我只好用手機影吓相，扮吓耶！！一切好似好順利，公主無投訴，但喺一離開牙醫診所，佢就話呢度唔舒服，個度痛，好彩個護士已經通咗水，叫我買止痛藥同麻痺牙肉嘅藥，如果唔喺我就有排俾公主話喇！
而公主一返到屋企就馬上影相放上佢個facebook兼形容詞十足地描寫佢點慘，點痛。。。 唉！！我已經飛毛腿飛到七勞八傷同冇食過飲過野，而家仲要煮飯，好似我傷D喎！！！
總結-箍牙嘅第一日，食咗一粒止痛藥，都算喺幾好喇！！
No comments:
Post a Comment