美式教育

因為覺得黎耀祥講得好對，所以摘錄咗黎耀祥喺明報其中一段訪問同大家分享：

他不買PSP，但是他和孩子玩捉棋，「我希望玩的東西是可以和兒子互動及交流的遊戲，一齊玩一齊參與才可以建立父子的關係，有些父母喜歡給小孩物質享受，反而不願付出時間，其實大人和小朋友就像新相識的朋友關係，他們都會在觀察你值得交朋友嗎？互相有沒有溝通，你會唔會跣我呢？，孩子就像一張白紙，就是看父母能給他甚麼。作為父母一開始就要放棄自己的生活方式，作息時間都要預埋他們，有很多父母寧願和朋友歡聚多過和孩子相處。錢多少不重要，反而時間才是最重要。」

當初決定放棄一切(穩定嘅事業，友好的朋友同舒適的家庭生活-因為有工人)就係因為所有人到認為美式教育比香港好，嚟到之後先至知道美式教育嘅初同中級係如此不堪。王子讀到三年級仲喺度串生字，而喺華爾街銀行工作的大學畢業生的英文就錯漏百出，於是到處打聽，先至發現，好學校係集中喺某幾個學區度，所以為咗王子同公主，唯有搬完又搬，由小學搬到初中，總共搬咗三次，而租金亦一次比一次高，因為D業主知道自己間屋係個好學區度，所以租金會高好多，最後一次搬係因為王子已經大個，可以自己坐公車返同放學，而亦為公主安排咗入一間特別章程學校(Charter school,即係學校同個班都好細，一間普通學校，一班三十幾人，只得一個老師，老師點可能堂堂都用心教你個小朋友呀，間特別章程學校就唔同，一班二十人左右，小朋友得到嘅關注會多好多)，而間特別章程學校係普通嘅學區度，租金會低D，多出嚟嘅錢，就可以放喺小朋友嘅課外活動上，一舉幾得，秘訣就喺你要夠八，要虛心打聽。

喺美國仲有一樣野好，就係你愈貧窮愈多福利。當我知道有一個團體專俾獎學金D聰明嘅男小朋友但喺家庭收入低而唔可以入讀高級嘅高中時，諗到唔諗就馬上幫王子申請，佢時運高，好好彩咁有高中收佢，所以而家喺麻省度讀緊。間學校一班得少過十個學生，仲有一批老師隨時幫你溫習同做公課，你掂會唔進步神速呀，入所謂嘅長春藤嘅大學間直喺指日可待，可惜王子想讀鑒証或法醫有關嘅科目，得一兩間嘅長春藤大學至有，所以冇得靠佢光宗耀祖同耀武揚威喇，唯有將光宗耀祖同耀武揚威嘅責任由公主頂上。

讀到呢度，你緊喺話，你點做人父母阿？唉！我要佢地去考額外嘅公開試同不斷被唔同嘅學校面試，喺要佢地知道自己現時嘅學識水平有幾高或低，認清自己將來要點做好D，面試時學識點樣表現自己最好個面，呢一D野喺學校係學唔到嘅，佢地會一生受用。所以當公主夠年級去報名時，我同佢馬上申請咗兩個唔同團體嘅計劃，因為我知道公主嘅脾性，佢都嘅好勝唔衰得，一輸咗就會逃避，所以同佢申請兩間兼慢慢同佢做思想工作，希望佢是但一個會成功或明白到失敗乃成功之母呢一個道理，兼且因為佢年齡咁細就去考，今年唔得明年可以再嚟，咁就知道自己有冇進步喇！

ps。不過雖然我全心全意去幫王子同公主，但喺個個該關心或問候我的人卻話我將佢擺喺最低嘅位置，冇重視佢，呢一隻死貓真喺又肥又大；王子同公主佢都有份，小朋友嘅成就亦就喺父母嘅成就，除非佢唔喺呢一頭家嘅一份子，如果唔喺我做咁多野為邊個呀？為自己呀？佢冇份架？就因為咁所以一次又一次咁傷害我？okay， 我喺唔識tum人，所以我喺所有問題嘅罪魁禍首？而個個該關心或問候我的人有tum我咩？好喇，唔知點解，寫寫吓又寫番自己D野，唔寫喇！