上個星期六，收到王子的來電，要我在殿下回紐約放感恩節假期期間幫殿下入貨-公仔面，薯片同果仁。於是星期日就開始採購，趁等公主去教堂期間，喇喇凜，去超市買公仔面；仲要喺出前一丁嘅九州豬骨濃湯麵，一共去咗三間先搵到，同一時間，又要幫公主買馬拉嘅蝦片(喺法拉盛得兩間有)，又要入定D零食俾王子，又要趕住兩點半前到教堂觀賞我嘅朋友洗禮，(受佢嘅邀請喺我嘅光榮) 所以唯有由東到西，來回行走到腳到跛，你可以想像我嘅腳底有幾痛。
講到入貨，先至知道我地小市民喺金融風暴蹂躪之下嘅慘況；以前一箱出前一丁嘅九州豬骨濃湯麵只喺賣＄11.99而家竟然要＄13.99，加幅喺16.6％，我地薪金每年只加得少少，而所有嘅柴米油鹽等生活嘅必需品卻跑贏成幾個馬位，真喺追到人到瘦。
最近股票大跌，好多人嘅身家已冇咗大半，亦有好多人趁機撈一筆，我好明白商家亦有一定嘅壓力，但喺咁樣惡性循環會到幾時呢？
No comments:
Post a Comment