幻想

尋晚睇個套"珠光寶氣"劇集時(第二十六集)，覺得康雅瞳(蔡少芬)同康雅思(黎姿)嘅對話好啱，"醒唔醒都好，我唔會再等佢嘅電話。。。黑咖啡好，提醒自己，唔好以為可以喝甜嘅，做人就唔會苦。。。。我寧願佢實實在在咁同我講，"我地冇啦！"好過而家咁。。。 只喺一句，無論佢真心定喺被迫，我亦唔在乎佢可唔可以騙到我，我只喺想俾一個藉口自己，話俾自己聽，個男人都開咗聲，要分手就喺要分手，唔應該再俾自己幻想。。。。"以上嘅對白就好似同我講咁，馬上想寫低佢，咁就可以時時刻刻提醒自己唔好再有幻想，因為整件事情已經對王子同公主有一定嘅影響，我真喺好心痛，自覺好無用，冇好好俾個健全嘅家佢地，只希望我能盡快治癒，就當所有嘅事都喺我錯；

1。我唔應該改變佢如廁嘅習慣，我應該做清潔嘅工作，唔應該抱怨。
2。我唔應該同王子公主講英文，令佢無法同佢地溝通。
3。我唔應該放時間喺王子公主身上。
4。我唔應該關心遠在香港唯一的細佬。
5。我唔應該照顧患病嘅媽媽（事實上，我嘅母親大人真喺世間少有咁難頂同麻煩）
6。我唔應該令佢曾經愛上網絡上的女人。。。等等，

所有野都喺我嘅錯，我應得而家咁嘅結果。。。

我係度埋怨？係。。。 我好唔開心？係。。。。。我可唔可以做D野？試過。。 但喺只喺單行道，所以我唯有繼續向前走。。